Македонка и Босанец се запознале во Германија, се свршија на Кипар, а направија бајковита свадба на Сејшели (фото)

Детали

понеделник, 29 мај 2023

„Двајцата сме личности кои не сакаат големи свадби и отсекогаш ни било сон да се венчаме на плажа. Со месеци пишувавме со агенции од Маурициус, Занзибар и Сејшели и на крај изборот падна на Сејшели затоа што островот има некоја посебна романтична приказна. Нè пречека приватен возач...“, раскажува Драгана Игнатова (27) од Кратово за CRNOBELO.com.

Драгана Игнатова (27) од Кратово, која веќе 4 години работи во Германија како медицинска сестра, стапи во брак со Јасмин Бечич (30) од Босна, кој веќе подолг период живее во Германија, а 12 години работи како менаџер на ресторан.

Парот неодамна направи свадба на Сејшели, а Драгана споделува детали за организацијата за CRNOBELO.com.

Љубовната бајка на Драгана и Јасмин:

„Се запознавме тука во Германија кога дојдов да работам и си пронајдовме заеднички интереси и, секако најважно, се роди љубов.

Не ни беше потребно многу време да сфатиме дека сакаме заедно да го поминеме животот.

Претходното лето се свршивме на Кипар и почнавме да ја планираме нашата бајка од соништата.

Двајцата сме личности кои не сакаат големи свадби и отсекогаш ни било сон да се венчаме на плажа.

Со месеци пишувавме со агенции од Маурициус, Занзибар и Сејшели и на крај изборот падна на Сејшели, затоа што островот има некоја посебна романтична приказна, прекрасна тиркизна вода, бел песок, палми, кокоси насекаде и прекрасни бои на небото кога ќе падне ноќ... 

Мислам дека нема поубаво место на светот каде би можеле да кажеме ДА.

Стапив во контакт со една агенција од таму „Wedding in Seychelles“ и ми пратија понуда со сите детали.

Продолжува на следната страница...