Бомбакис со ехо-снимка од ултразвук откри дека ќе стане татко: „Најдобриот ‘картон’ што сум го држел во животов“

Детали

среда, 12 јули 2023

„Најдобриот ‘картон’ што сум го држел во животов. Најдоброто нешто што ми се случило во животов. По сите турбуленции, фала ти Господе. Фала ти Вики што си ми најголема поддршка во животов“, напиша Бомбакис и во свој стил откри дека ќе стане татко. 

Кристијан Станковски, во јавноста познат како Бомбакис, или дечкото со картоните, во свој стил откри дека неговата сопруга Вики е бремена.

Бомбакис, кој на 30.06 направи свадба со Вики, наместо картон, во рацете држеше ехо-снимка од ултразвукот.

„Најдобриот ‘картон’ што сум го држел во животов. Најдоброто нешто што ми се случилово животов. По сите турбуленции, фала ти Господе. Фала ти Вики што си ми најголема поддршка во животов“, напиша тој на Фејсбук.

Бомбакис, кој во 2020 година откри дека се избори со ракот, објави и две фотки од свадбената фотосесија, а на едната од нив го бакнува трудничкото стомаче на саканата.

Вики и Бомбакис се венчаа на 30.06 и направија весела свадба со многу гости. Познатиот инфлуенсер на свадбата се преоблече два пати, а носеше костуми со дезени, кои привлекоа големо внимание.

Веднаш по венчавката, Бомбакис за CRNOBELO.com ги раскажа своите впечатоци од свадбата, па рече:

„Не дека беше моја ама не сум бил на подобра и повесела свадба досега. Сите весели од сам почеток до крај, голем респект до моите другари, кои не ме оставија во ниеден момент да се почувствувам осамено. Тоа е другарство“, ни кажа тој.

Прочитајте и Бомбакис за CRNOBELO: „Не дека беше моја ама не сум бил на повесела свадба досега, бевме опремени со пиротехника до заби“