Светска, а наша: Катарина Ивановска блеска во смарагдна креација од македонски дизајнер

Детали

недела, 15 октомври 2023

„Катарина носеше панталони во балска сала полна со тоалети и остави свој печат со овој вечерен костум од сатен во смарагдно зелена боја“, напиша дизајнерот Марков, кој ги објави фотките од впечатливата креација.

Македонскиот супермодел Катарина Ивановска (35) повторно воодушеви со стилот.

За неа, дизајнерот Марков креираше шик костум во смарагдно зелена боја во три дела, со фрак и елек со гол грб.

Таа костумот го носеше на свадба, а Марков објави неколку фотографии на својот профил на Инстаграм.

„Таа е ‘најјака’ од сите. Катарина носеше панталони во балска сала полна со тоалети и остави свој печат со овој вечерен костум од сатен, во три дела, во смарагдно зелена боја“, напиша дизајнерот на фотките.

И Марков и Катарина добија пофалби за креацијата, а коментарите се дека супермоделот блеска и навистина е светска, а наша.

Не е првпат Катарина и Марков да соработуваат. Таа беше заштитно лице на неговите модни колекции и сними неколку фотосесии во неговите модели во изминатиот период.

А. Ј. | Црнобело