Тамара и Дарко Велковски открија дека повторно ќе станат родители – Ведран ќе добие братче

Детали

недела, 26 ноември 2023

Фудбалерот Дарко Велковски и неговата сопруга Тамара на Инстаграм објавија убави вести – во нивниот дом наскоро ќе има уште еден член, а малиот Ведран ќе добие братче.

Сопругата на македонскиот фудбалски репрезентативец, Дарко Велковски, Тамара објави две фотографии на Инстаграм на кои се гледа дека малиот Ведран во рацете држи фотографии од ехо-снимка, а до нив напиша:

„Голем брат. Ведран го чека својот брат“

До семејството пристигнаа голем број честитки, а Тамара и Дарко во Инстаграм Стори објавија неколку фотографии од откривањето на полот и на своите следбеници на Инстаграм им соопштија дека во семејството очекуваат наскоро да пристигне уште едно момче.

„Момче е. Со нетрпение очекуваме да те запознаеме“ – пишува на фотографиите на кои се гледа дека малиот Ведран држи сини балони.

Инаку, за потсетување Тамара и Дарко во јули годинава направија свадба, а стапија во брак во јануари 2022-ра година, непосредно пред раѓањето нa нивниот син Ведран.

Уште неколку фотографии во продолжение:

Б. С. Б. | Црнобело / фото: Инстаграм