Дизајнерката Ива Спасовска модно усогласена со своите миленици, славеше годишнина од отворањето на ателјето

Детали

четврток, 14 декември 2023

Македонската дизајнерка Ива Спасовска 11-тата годишнина од отворањето на своето ателје ја прослави со уникатна фотосесија на која е модно усогласена со своите две миленичиња.

Креаторка Ива Спасовска прослави 11 години постоење на нејзиното модно ателје. Годишнината ја прослави со раскошна фотосесија која ја објави на Инстаграм.

Таа имаше бело-розова торта во вид на фустан, а за себе избра металик фустан во розово-сребрена боја, дополнет со венче на главата и проѕирни чизми.

Но, она што привлече особено внимание е што креаторката се потрудила, па од истиот металик материјал направила и модни додатоци за своите миленици и ги „облекла“ за фотосесијата.

„11-ти роденден на Iva Spasovska Atelier. Од срце ви благодарам на сите за прекрасните честитки, на сите кои ми се радувате на мојот успех, дупло поголем ви посакувам“, напиша таа.

Ива за годишнината доби честитки и од јавните личности од Македонија. Со дел од нив соработува и ги облекува за нивните настапи и јавни појавувања, а со други е пријателка со години.

А. Ј. | Црнобело