Малку твист, малку црвено вино - Водителките на Канал 5 ги фати празнична еуфорија (видео)

Детали

петок, 22 декември 2023

2024-та е на прагот, а водителките на утринската емисија „Здраво Македонијо“, Милена Антовска и Александра Пановска Илиевска, заиграа твист во накитеното студио и покажаа како се забавуваат на снимањата.

Милена Антовска и Александра Пановска Илиевска ги фати предновогодишна еуфорија, па се забавуваа во студиото на Канал 5 каде што се снима утринската програма.

Празнично дотерани, со чевли со високи потпетици, тие пред елката играа твист, а Милена наздрави со црвено вино.

Двете водителки го објавија видеото на своите профили на Инстаграм, со различни празнични песни.

„Новата година е нов живот. Реши денес кој ќе бидеш, што ќе дадеш и како ќе живееш“, напиша Александра.

Нивните следбеници, пак, се забавуваа гледајќи го видеото и им порачаа дека се супер, но и дека би сакале да се покрај нив, па да се журкаат заедно, иако сè уште има време до дочекот на Нова година.

Погледнете го видеото:

А. Ј. | Црнобело