Тамара Тодевска женствена со долга коса, краток црн фустан и шминка со дијамантски сјај (фото)

Детали

вторник, 26 декември 2023

Тамара Тодевска додаде екстензии на косата, облече кратко фустанче и го смени својот изглед, па на социјалните мрежи коментираат дека е женствена и прекрасна.

Пејачката Тамара Тодевска неодамна повторно издоминира со својот стил.

Откако изминатиот период носеше долги фустани или костими во комбинација со корсет за фотосесии, јавни настани и настапи, таа сега, за настап во Охрид, облече кратко црно фустанче со ракави од тантела.

Изгледот го дополни со дизајнирани хулахопки и впечатлив златен накит.

Тамара неодамна направи и надградба на косата, по што ѝ се смени и ликот.

Таа сега со подолга коса изгледа женствено и прекрасно, коментираат на социјалните мрежи.

Фотките од Тамара ги објави охриѓанката Мери Бајрамовска, една од најпознатите македонски мејкап артисти.

Таа покажа како ја нашминкала Тамара и откри дека со шминката решила да го промовира ефектот „дијамантски стил“, каде што лицето блеска, а шминката е светла и дискретна, но сепак впечатлива.

А. Ј. | Црнобело