Христијан ја запроси Џесика пред црквата Св. Јован – Канео во Охрид: „Тргнавме на прошетка и да запалиме свеќа“

Но, она што таа не го знаела е дека Христијан во тој период имал полни раце работа. Нејзиниот свршеник барал совршено место за запросување. Прво сакал тоа да го направи на брод, среде Охридското Езеро, но затоа што не работеле бротчињата, се одлучил тоа да го направи на свето место.

Кога се вратиле назад во кафулето, Христијан и другарот дале предлог заедно да одат до црквата Св. Јован – Канео за да запалат свеќи.

„Тргнавме пешки кон Канео, но таму доживеав нешто неочекувано. Влеговме во црквата запаливме свеќи и потоа тргнавме да одиме за да се сликаме.

Додека одевме за да се сликаме другарка ми ми рече заврти се и кога се свртев - што да видам... Го видов мојот сакан клекнат на колена во рацете со букет од ружи и црвено кутивче со прстен. Ме праша ќе се омажам за него, а јас одеднаш почнав да плачам и кажав: 'Да'.

Чувството е преубаво и никогаш нема да го заборавам тој ден и тој момент одење пешки на високи потпетици до светото место црквата Св. Јован Канео“ – раскажува Џесика.

Инаку Христијан прво го криел прстенот во автомобилот, а потоа во џеб. Тој отишол до Плаошник, па потоа пешки до црквата Свети Јован Канео каде што ги оставил цвеќињата и му кажал на свештеникот за што се работи.

Потоа дошол до Центар за да ја земе Џесика и да заминат на прошетка.

Христијан вели дека за љубов не се важни километри. Испешачил доста тој ден, но направил сѐ за денот да биде незаборавен.

Б. С. Б. | Црнобело