Ледената Македонка Бетика се расплака пред експедицијата на Алпите: Татко ѝ со моторна пила нацрта срце во мразот

Детали

понеделник, 29 јануари 2024

„Тато мрази ладно, особено на стапалата, но дојде со мене на тренинг. Јас не знаев што се случува во позадина, ги отворив очите и, што да видам - по шорц и волнени чорапи, тој ја нацртал скицата и ме чекал за да ја запали ‘моторката’. Ова ми беше најубавиот тренинг, се изнаплакав“, вели Бетика, која тргнува на ледена експедиција на Алпите.

Бети Котовчевска од Ресен, позната и како ледената Македонка Бетика, ќе си го исполни сонот да замине на експедиција на Алпите во Франција, организирана од Вим Хоф, екстремен холандски атлетичар кој во светот е познат како Ледениот човек (The Iceman).

Експедицијата ќе ја предводи неговиот инструктор Леандре, познат како Леденото момче (Iceboy).

Таа долго време се спремаше за овој предизвик и се капеше во ледено студена вода за да го подготви своето тело за сè она што ја очекува во Франција од 1 до 7 февруари.

Бетика, која влегуваше во студени води без оглед на ниските температури надвор, последните тренинзи ги имаше на езерото Ротино.

А, таму ја придружуваше нејзиниот татко, за кого Бетика вели дека мрази студ и мраз.

Но, за да ја поддржи својата ќерка, тој дојде на езерото со неа и со моторна пила во мразот на езерото испиша I ♥ U (те сакам).

Неговиот потег ја разнежи, па таа објави неколку видеа на својот профил на Инстаграм.

„Утрово се спремав за претпоследните тренинзи пред експедицијата, а татко ми го пиеше утринското кафенце и ме праша: ‘А, да дојдам и јас може?' Потскокнав од радост. Тато мрази ладно, особено на стапалата.

Секој си го спреми ранчето и тргнавме. Јас почнав со подготовки, почна аклиматизацијата, почнав со дишење, ги затворив очите и влегов во мојот свет.

А, тато во позадина го следеше секој мој чекор. За момент се исклучив, не знаев што се случува во позадина.

Продолжува на следната страница...