Синот на Борко Ристовски наполни 6 години: „Ќе бидам покрај тебе додека дишам“

Детали

вторник, 02 април 2024

Душан е првото дете на поранешниот голман и неговата сопруга Нина, а името го доби по починатиот татко на Борко.

Поранешниот ракометен голман, Борко Ристовски, има две деца, синот Душан и ќерката Анастасија.

Тојужива во времето поминато со децата и постојано објавува фотографии и видеа со нив.

Така и денес (02.04) на 6-иот роденден на синот, Борко сподели неколку фотографии од Душан и му испрати емотивна порака.

„Синко мој, биди ми здрав, жив, среќен и остани таков каков што си. Јас ќе бидам тука за тебе додека дишам. Среќен роденден љубов татина“, напиша Борко на Инстаграм.

Душан е првото дете на Борко и неговата сопруга Нина, а името го доби по починатиот татко на некогашниот голман.

Борко е многу близок со својот син, па во интервју за CRNOBELO.com, каде што зборуваше за татковството и животот со две мали деца, тој ни откри дека често го носи во парк, во кино, но и на Водно, за да поминуваат што е можно повеќе време заедно.

Прочитајте и Борко Ристовски за татковството: „Маж што никогаш не сменил пелена на детето или не му спремил млеко - ја нема мојата почит“

А. Ј. | Црнобело