Прилепчанката Ивана Ѓорѓиоска го победи ракот на лимфната жлезда: „Со двете деца во раце се изборив со болеста“

Детали

четврток, 20 јуни 2024

„Ивана ти си хероина на денот“, „Браво! Никогаш повеќе да не се повтори кај никого, а ти уживај во секој момент“, се дел од коментарите што оваа млада жена ги доби откако откри дека се изборила со страшната болест.

Ивана Ѓорѓиоска (33) од Прилеп, која се бореше со ракот на лимфната жлезда и отворено зборуваше за сите предизвици со коишто се соочува, ја победи болеста.

Таа пред една година доби дијагноза дека има рак, но храбро се избори со него. 

Сега, на својот Инстаграм, Ивана објави победнички фотографии со семејството, сопругот и двете деца, и со огромна насмевка пишува дека најтешкиот период е веќе зад неа.

„Конечно. Успеавме! Не знам дали се сеќавате кога пишав дека 'со двете деца во раце, ќе ја победам оваа битка'. Успеав!

Благодарна на Господ и на мојата поддршка, мотивација и инспирација што се на сликава до мене!

Благодарна на мојата фамилија, пријатели и сите вас кои од почеток до крај бевте со мене. Благодарна на мојот доктор. Ти благодарам Господе!

Господине 'раку', не оди никогаш и никаде повеќе, не си поканет, пожелен, а ни лесен за да бидеш во нечие тело“, напиша таа.

Младата жена доби огромна поддршка од своите следбеници откако ја сподели убавата вест.

„Секогаш да бидеш вака среќна и насмеана покрај своите најблиски“,

„Ивана ти си хероина на денот“,

„Браво! Никогаш повеќе да не се повтори кај никого, а ти уживај во секој момент“, се дел од коментарите.

А. Ј. | Црнобело