Христина од Прилеп на 28 години се избори со ракот, а на 35 стана мајка по природен пат

Детали

среда, 04 декември 2024

„Некои денови светат поинаку, како премачкани со златна боја. Денес е тој ден. Станавме родители“, открива Христина Митреска од Прилеп, која на 28 години се избори со ракот.

Христина Митреска од Прилеп, по професија дигитален маркетер, е девојката која стои зад Инстаграм профилот „Вкусно без месо“.

Христина Митреска на само 28 години се соочила со дијагнозата рак на дојка, а потоа следувала и хемотерапија како дел од лекувањето.

Но, покрај на медицината, таа се фокусирала и на здравата храна, како начин на себелекување.

Христина и во интервју за CRNOBELO.com откри дека по тешкиот период со операција и хемотерапија, направила многу промени во начинот на живот, меѓу кои и исхраната за што споделува на Инстаграм.

Најголема поддршка во тешкиот период ѝ бил сопругот, со кој денес ги живеат најсреќните мигови.

Пред неколку месеци таа објави:

„По девет години заедно, сега со нетрпение го очекуваме новиот член на нашето семејство, што е најубавиот подарок што можевме да си го дадеме“.

И покрај тоа што зад неа е една тешка борба, таа успеа по природен пат да стане мајка.

Христина и нејзиниот сакан денес (04.12) станаа родители на девојче.

На нејзиниот Инстаграм профил таа пишува:

„Некои денови светат поинаку, како премачкани со златна боја. Денес е тој ден. Станавме родители“.

Прочитајте го интервјуто со неа Христина Митреска: „На 28 години ми дијагностицираа рак на дојка и фала на Бога што ми се случи мене, а не на саканите“

С. С. | Црнобело