Снеже Велков влезе во море среде зима – се загрева со оро, водата е „кочан ладна“ (видео)

Детали

среда, 08 јануари 2025

„Ладно е кочан, но зборот е одржан – победа на умот и предрасудите“ – напиша Снеже во описот на видеото во кое одеднаш се затрчува и без многу размислување влегува во ладното море на Бадник. 

Водителката Снеже Велков покажа дека кога ќе замисли нешто, ништо не може да ја предомисли, па дури ни ладното време.

Божиќните празници таа ги помина на море, а за Бадник одлучи да влезе во ладните води и да го победи умот, препреките и предрасудите.

Станува збор за традиција која таа неодамна ја започнала, а зборувајќи за божиќните обичаи во семејството, таа за CRNOBELO.com откри: 

„Јас од неодамна почнав баш на Бадник да се капам во море. Се надевам и годинава ќе ја продолжам традицијата“. 

Таа си го одржа зборот и на Инстаграм сподели видео на кое прво трча и се загрева со вежби и со оро, а потоа влегува во вода.

Без многу големи подготовки и техники, таа се затрча и одеднаш влезе во ладното море, од каде излезе среќна и горда дека успеала во подвигот.

Во описот на видеото Снеже напиша:

Подвиг: Бањање во море сред зима - Бадник 2025

Предизвик: Ладно е кочан.

Искушение: Да се премрзнам или да си седам мадро

Задача: Да се продолжи традицијата.

Мисла: Троа будалеста.

Ме знаат ли од дома? Исто им се фаќа.

Добра ли си? Изглед вара.

Радост: Голема.

Збор: Одржан.

И после?
После ич не е ладно.

И што со тоа?
Победа на умот, на времето, на препреките и предрасудите.

Пиши 1:0 за мене.

Голем е денов, нека се големи и радостите!

Кликнете на видеото за да го погледнете:

Прочитајте и Илина Арсова по бикини и во топ форма, среде декември влезе во Охридското Езеро (видео)

М. М. | Црнобело