Таско, Пајак и Бобан Илиоски скокнаа по светиот крст во Охридско Езеро

Детали

недела, 19 јануари 2025

Светскиот шампион во кик-бокс и двајцата музичари ја испочитуваа традицијата за Водици.

Големиот христијански празник Водици, или Богојавление (19.01), секоја година се одбележува со скокање по светиот крст.

Традицијата се почитува во целата земја, а мажите скокаат во студените води на реките или езерата за да го фатат крстот.

Тој, според верувањата, ќе му донесе здравје и бериќет на тој што го фатил и на неговото семејство.

Пајак со пријателите

Најголем број Македонци кои скокаат по крстот има во Скопје, каде што се скока во реката Вардар, и во Охрид, каде што верниците влегуваат во Охридското Езеро.

Меѓу оние што годинава во Охрид скокнаа по крстот беа и нашите музичари Христијан Тасковски - Таско и Христијан Настески - Пајак, но и светскиот и европски шампион во кик-бокс, Бобан Илиоски.

Тие на Инстаграм споделија фотографии направени откако скокнаа во езерото, со пораката „Бог се јави“.

Бобан Илиоски и Таско

А. Ј. | Црнобело