Сопругата на Андреј од ДНК сподели разговор со ќеркичката кој крши срца: „Мамо јас ти требам тебе, а ти мене“

Детали

недела, 23 март 2025

„Мамо, сакам да бидам дома, зашто ЈАС ти требам тебе... А и ти ми требаш мене... Јана за 7 дена порасна како за 7 години“ – напиша Наталија, сопругата на Андреј, кој пред една недела го загуби животот во трагичниот пожар во Кочани. 

Андреја Ѓорѓиески, познат како Андреј од ДНК, го жртвуваше својот живот за да спаси други деца кои беа на нивниот настап во дискотеката во Кочани, кога се случи трагичниот пожар во кој загинаа 59 лица, а повеќе од 100 беа повредени.

Зад себе, Андреј ги остави сопругата Наталија, со која скоро 10 години беше во брак и ќеркичката Јана (родена на 29 ноември 2015).

Вчера, речиси една недела по загубата на нивниот сакан сопруг и татко, Наталија Ѓорѓиеска се огласи на својот Инстаграм профил.

Таа на Инстаграм Стори сподели дел од разговор со нејзината ќеркичка, чија изјава допира длабоко до срцето и распарува душа, а потсетува колку е силна љубовта и врската помеѓу родител и дете.

„Мамо, сакам да бидам дома, зашто ЈАС ти требам тебе... А и ти ми требаш мене...

(Јана, за 7 дена порасна како за 7 години)“.

Андреј беше голем хуманитарец со огромно срце, а за својата ќеркичка секогаш имаше емотивни зборови и во едно интервју сподели:

„Јана во мене пополни еден празен дел и веќе во огледало не го гледам Андреја, туку сè повеќе ја гледам неа“ - рече тој за ќерката.

Прочитајте и Храбар до последниот здив, хуманитарец во душа - Сеќавање на Андреј Ѓорѓиески од ДНК

М. М. | Црнобело