Нашата манекенка Андријана Илиоска за божиќната атмосфера во Лондон: „Како зимска бајка е, ќе останам подолго тука“

Детали

вторник, 18 ноември 2025

„Планирам да останам подолг период. Сакам да ја доживеам празничната атмосфера до максимум. Никогаш не сум видела поубаво место за божиќните празници“ – вели за CRNOBELO.com нашиот интернационален модел Андријана Илиоска, која професионално престојува во Лондон, а ужива во празничната идила и ни пренесе дел од атмосферата.  

Андријана Илиоска е наш модел со интернационална кариера, која моментално работи и ужива во Лондон.

Не ѝ е првпат да го посети на подолго овој град, откако претходно по повод Модната недела во Лондон, за првпат професионално, остана неколку месеци во британската престолнина.

Прочитајте и Македонско девојче! Андријана Илиоска учествуваше на 6 ревии на London Fashion Week

Таму таа има повеќе можности за фотосесии, снима едиторијали, учествува на модни ревии, а во слободно време, ужива во магијата на метрополата.

Овој пат за првпат ја искусува магичната божиќна атмосфера во градот, кој веќе блеска со новогодишен сјај и нуди незаборавно искуство со своите божиќни пазари и забавни паркови. 

Андријана ни испрати повеќе фотки од празничната идила, а за CRNOBELO.com вели:

„Лондон ја има божиќната атмосфера уште од почетокот на ноември. Сè е осветлено, украсено и навистина се чувствува духот на празниците.

Winter Wonderland во Хајд Парк е огромен божиќен настан каде што има безброј адреналински игри, рингишпили и ролеркостери, забавен парк, штандови за божиќни украси, тезги со различни видови на храна и лизгалиште.

Буквално како мала зимска бајка во срцето на Лондон.

Првпат сум тука за Божиќ и искрено – магично е.

Планирам да останам подолг период. Сакам да ја доживеам празничната атмосфера до максимум.

Никогаш не сум видела поубаво место за божиќните празници. Енергијата е преубава – топла, магична и полна со радост.

Лондон навистина знае да создаде празнична атмосфера“.

Повеќе фотографии кои Андријана ни ги испрати од Лондон:

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело