Прв случај на труење од пајакот „Црна вдовица“ во Македонија во 2026 – како да го препознаете и што да направите при каснување?

Детали

вторник, 21 јули 2026

„Првиот случај на труење од отровот на пајакот Црна вдовица (Latrodectus spp.) веќе е регистриран во Македонија оваа година. Црната вдовица е еден од ретките пајаци чиј отров може да предизвика сериозни здравствени последици“ - пишуваат од токсиколошкиот информативен центар и споделуваат совети за прва помош и превенција. 

Од Токсиколошкиот информативен центар при Универзитетската клиника за Токсикологија во Скопје, известуваат за прв случај од труење од отровот од пајакот „Црна вдовица“, регистриран во Македонија оваа година.

Иако не е многу честа појава, сепак овој вид на пајак „Latrodectus spp“, народски познат како „Црна вдовица“, е присутен и на нашите простори.

Оваа година е регистриран прв случај на труење, а од Центарот пишуваат:

„Првиот случај на труење од отровот на пајакот Црна вдовица (Latrodectus spp.) веќе е регистриран во Македонија оваа година.

Црната вдовица е еден од ретките пајаци чиј отров може да предизвика сериозни здравствени последици. Иако каснувањето не е често, важно е навремено да се препознае и правилно да се постапи.

Навременото препознавање и брзата медицинска проценка можат значително да го намалат ризикот од компликации“.

Оттаму споделија и визуелен приказ со совети за прва помош, за симптоми кои укажуваат на потреба од лекарска помош, но и совети за превенција.

Иако е познато дека европската црна вдовица се разликува од американската, и има 13 црвени точки на грбот, од Токсиколошкиот информативен центар пишуваат:

„Пајакот Црна вдовица во Македонија има црно сјајно тело и димензија максимално до 5cm заедно со нозете“.

Во продолжение погледнете ги нивните совети за заштита и лекување во случај на каснување:  

Пред неколку години, д-р Андон Чибишев на социјалните мрежи упати јавен апел и предупредувања до граѓаните, откако струмичанец бил каснат од пајакот познат како „црна вдовица“, а пред неколку дена и д-р Нино Беќаровски во изјава за медиумите потврди дека моментално има хоспитализиран пациент каснат од истиот пајак. 

М. М. | Црнобело