Искрена приказна за Нина Деан: „Плати лекарства за изгубена бабичка и помогна да ја вратиме кај синот“

Детали

четврток, 06 февруари 2020

Помеѓу познатите личности може да се најдат вистински хуманитарци, а токму таква приказна сакаме да споделиме со вас за актерката Нина Деан, која нас ни ја раскажа нејзин фан на Инстаграм.

Неодамна направивме интересно интервју со Нина Деан, а по тој повод, на нашиот Инстаграм профил стигна порака со вистинска, инспиративна приказна за актерката. 

Нејзин фан, чие име ќе остане анонимно, сподели со нас вистинска случка на која таа била сведок, а во која Нина Деан е херој од реалниот свет.

Прочитајте за што станува збор - во продолжение пораката која ја добивме:

Пред месец дена сосема случајно со една изгубена бабичка отидовме во Зегин Буњаковец да земе тоа што ѝ беше потребно, и во еден момент ме праша дали би можела да ѝ го платам, но ташната ми беше во кола и токму оваа  девојка се понуди и ги плати лекарствата.

Од страна се слушаа коментари дека бабичката е изгубена, па Нина се понуди да дојде со нас и да ја вратиме бабичката. На крајот успешно беше вратена кај синот после час/два. Сѐ до тој момент не знаев дека цело време со нас била Нина Деан, додека синот не ја праша дали е актерка ? 

П.С една од омилените ликови на сцена ми е ? Замислете колку сум била дефокусирана, а возбудата ме држеше долго после сето ова.

 Тоа е разликата од неа и другите јавни личности кои ја изразуваат својата „скромност и хуманост“ со пишување статуси за стореното дело. 

Верувам дека имала доста други случки кои ги нема претставено во јавноста. Се надевам дека на некој ќе му служи за пример како да ја разбуди човековата свест и безусловно пружање помош таму каде што има потреба!