За сите кои не го гледаа - Мјузиклот „Тајно моја“ во чест на Тоше Проески сега достапен и на YouTube

Детали

понеделник, 30 март 2020

Мјузиклот „Тајно моја“ ја дочека својата премиера во 2017-та, а доколку не сте го погледнале во живо, сега Имате можност да го глдате на YouTube во овие денови на домашна изолација.

Македонската пејачка Антониа Гиговска, која е дел од проектот, го објави мјузиклот на YouTube.

Овој мјузикл е проект направен во чест на нашата најголема македонска музичка ѕвезда, по повод 10-тата годишнина од неговата прерана смрт.

Приказната на мјузиклот се одвива на почетокот на 21-ви век и ја раскажува љубовната приказна на еден млад пар. Но, на нивната љубов им се закануваат нивните разлики.

Мјузиклот е базиран на најпопуларните музички хитови на Тоше, како „Тајно моја“, „Немаш ни благодарам“, „Усни на усни“, „Игри без граници“…

Покрај Антониа, во мјузиклот се појавуваат и Денис Димоски, Сара Гигова, Весна Петрушевска, Игор Џамбазов, Арна Шијак, Дејан Лилиќ и многу други.

Мјузиклот е режиран од Тони Михајловски.

Целиот мјузикл сега е достапен и на YouTube, па може да го изгледате во првото слободно време:

https://www.youtube.com/watch?v=nvJs6Df6BzI

Спирова С. | Црнобело