Македонците за аплауз: За само еден ден собрани доволно средства за визири за докторите

Детали

среда, 01 април 2020

Само ваквиот несебичен пристап и високо ниво на свесност ќе нѐ спасат во ова тешко време.

Група млади ентузијасти покрена вистинска лавина во Македонија, а Македонците докажаа дека имаат високо ниво на свесност.

Овие момци направија одлична акција за изработка на визири со 3Д принтери, кои ќе ги заштитат нашите медицински лица во борбата со корона вирусот.

Покрената беше акција за донирање пари за да се купат материјали за изработка на истите, а за само еден ден беа собрани потребните средства.

Доктор Ненад Лазаров, кој е активен учесник во акцијата, објави во Фејсбук групата 3D Принт Медицинска Опрема:

„Стоп со донации луѓе мои, повеќе од 460.000 денари во еден ден!

Ако и кога ќе треба, ќе повикаме повторно.

Благодариме на поддршката и што во нас препознавте љубов и чесни хумани намери!“

С. С. | Црнобело