Стоматолози од Тетово танцуваат во скафандери и маски – позитива за убав ден (видео)

Детали

вторник, 26 мај 2020

Во период кога животот изгледа сосема поразлично и потешко од она што порано беше нормално, најважно е да се одржи позитивниот дух - стоматолози од Тетово знаат како да се изборат со негативните мисли и по цел ден поминат во работа со скафандери, маски и визири. 

Стоматолозите, иако не се директно во првите борбени линии со КОВИД-19, сепак се изложени на голем ризик заради начинот на работа, но тоа не ги спречува да бидат тука за своите пациенти, а некои од нив успеваат дури и да го задржат позитивниот дух, и покрај маката низ која поминуваат во текот на работниот ден. 

Не е воопшто лесно цели денови да се поминуваат во заштитен скафандер, со ракавици, маска и визир, но позитивноста е она што ги одржува.

Овие стоматолози од Тетово наоѓаат време да се опуштат во ординација и снимија забавно видео кое го споделија со своите фанови и пациенти на Фејсбук, а истото шири позитивни вибрации.

„Ова е нашиот психо-физички и енергетски „boost“ и начин да избегаме на момент од опремата која не дава да дишеме, а сега, за жал, е неделив дел од нашето секојдневие.

Да избегаме на момент од константната загриженост за благосостојбата на сите наши пациенти, на нашиот тим и сите околу нас. Се бориме против сите негативности со позитивни мисли и став и се надеваме на што поскоро надминување на оваа кризна ситуација која апсолутно допре до здравствената, но и до секоја друга сфера на делување.“ - вели д-р Надица Несторовска Арсеновски, која е дел од ПЗУ д-р Ванчо.

Како изгледа работниот ден на стоматолозите во текот на епидемија на корона вирус:

/?__xts__%5B0%5D=68.ARCrUwniMyEOmAS3L8CeQ4EoReg52yfW6fFvpYWMfm42qSfkSmFb7DfiC4rJGAgzs58YC_SoZGZYlEaD-qhD5YYeED_IRCdL4G9M2MOvrMDvggQG9JMHV37Xb_iNrJ6Ba1d2YB_9_UtMDlq24V35XTKWiYhG3ecllvjw4CSH4AYr9LaRYx17sjEWL11IW4LY5CT9NEN0Z4UG1DDakb_uGqMCuwlXEefKpLxZkNcplgCsK79uuny8peKXNAfWeytwapDx-dXbiVl70Sd98ImtkgBXJAjfnTTHFnERGfCRoEkZvHLWbShHNymEGIN_SqFkvIk7_Oq40IdQG14Kz-AZaiPqjJOB9ZrHmBksEsF-9Z5CdlICkkOgiPTpa7k&__tn__=-R

Но, тоа не ги спречува во слободното време да се релаксираат со малку музика и танц и да се ослободат од негативните мисли:

/?__xts__%5B0%5D=68.ARAhDMOuNNax3TlSHTJYjUxuC4Oc2UUtgNkgSNwOracSHwNzFTA6PNqthDRqKYHX4yGjYFKc1o5-Odn4MwSP5kcqyrt_j-mIr3XX79dKvo3xstnpkbJZotUii4x9LfcLmeE9_dRtakxYUa2VjeLH_xaHN2F7rZuuGVNQmdpAzjk6LQNs07Jx7OCyM9aDSokY_gozSwHTB6C5PpZMPyRAv1xsDuprUmWP-5fPdtBM1vqSgAf6-OX0MWC11CBL2cVXQJkOLYsHF61vrrfVWmAdGr5NMB0E-RUc0ZyECqueNy6apiHR6_JTb8GOqniEqr-t_yPiDpMsNwe9Vwut2_NkadohbQDYdA_EPKoZuSfTIkHkBwyeleodEOaCN24&__tn__=-R

M. M. | Црнобело