„Мина денес полни 16 години, таа е мојот најголем херој“: Весна Петрушевска со емотивна објава за роденденот на ќерка си

Детали

среда, 11 ноември 2020

„Неверојатно колку има насмевка на сите премрежја што ги минува. Таа е љубов и суштина“, напиша актерката во емотивната објава за Мина.

Весна Петрушевска неретко истакнува дека нејзините деца ѝ се причина за живот и најголема радост.

Денес (11.11) таа го слави 16-от роденден на нејзината ќерка Мина и ѝ честиташе на Фејсбук со емотивна објава.

„Мина денес полни 16 години. Таа е најубавото нешто што ми се случило во животот, мојот најголем херој, борец и бескрајно топол човек. Неверојатно колку има насмевка на сите премрежја што ги минува. Таа е љубов и суштина. Таа е копнеж и светлина. Таа е небото по кое јас стапнувам. Таа е живот во животот. Мина среќен маме. Ти си ангел.“

Инаку, синот на Весна Петрушевска 17-годишниот Кирил Тренкоски се пресели во САД кај неговиот татко Јанко Тренкоски.

Таму ќе продолжи со последната година од средното образование и ќе се запише на колеџ.

С. С. | Црнобело