Деветти циклус на поддршка на младите таленти во Македонија - Искористи ја шансата твоето име да стане Ново Име и да го оствариш својот сон

Детали

петок, 04 декември 2020

Мартин Милевски е победник во осмиот циклус на проектот „Ново Име“, со што започна новиот круг и со самото тоа, нова шанса за сите млади таленти од цела Македонија да станат деветто Ново Име.

Сите млади од 16 до 30 години кои сакаат да ја искористат можноста нивното име да стане Ново Име, може да ги испратат своите пријави до 15. декември. Доколку сé уште не сте имале можност да се запознаете со проектот – сите потребни информации и самиот формулар за пријавување можете да ги најдете на платформата novoime.mk.

Додека талентите се подготвуваат за својата шанса, победникот на ноемврискиот циклус кој ја освои наградата со апсолутна наклоност и поддршка од гласачите, планира на кој начин ќе ја искористи наградата за развој на својот талент. Запознајте го Мартин Милевски, младиот вљубеник во фотографија од Виница, победникот на осмиот циклус на проектот „Ново Име“.

„Оваа титула и награда сигурно ќе ми помогнат дополнително да се усовршам во тоа што веќе со години сакам да го работам и ме исполнува – фотографија на портрети. Еден мој сон на тој начин е остварен и затоа ги повикувам сите млади да се пријават и да станат Ново Име, затоа што оваа поддршка е секогаш добредојдена“, се зборови на победникот на ноемврискиот циклус на проектот „Ново Име“.

Станувајќи Ново Име, на Мартин му појде од рака она што претходно успеаа да го направат, Сандра Туфеска, Ново Име на цртањето, Влатко Иљачев, Ново Име на пеењето, Антониј Ристески, Викторија Симеонова и Станче Алексов, Ново Име на музиката, Ангела Георгиевска, Ново Име на танцот и Александар Јакимовски, Ново Име на гејмингот – да се избори за можност да со сума до 2.500 евра ги унапреди своите вештини и знаења.

Проектот „Ново Име“ од почеток на годината во потполност го реализира компанијата ХТЛ МАКЕДОНИЈА и брендовите ADMIRAL, ASTRA и CASINO FLAMINGO HOTEL, членки на групацијата NOVOMATIC во Македонија. Нивната мисија е да се препознаат младите таленти и да им се овозможи да го остварат својот сон, за што им е неопходна (финансиска) поддршка. Со тоа, заедно со овие млади луѓе се укажува на важноста на општественото одговорно делување како во однос на поединци, така и на севкупната заедница.

Повеќе детали за самиот проект „Ново Име“ можете да погледнете и на официјалната Facebook страница и Instagram профил. Со среќа на талентите во декемврискиот круг!