Шпаркасе Банка Македонија е првата банка во земјата со верифицирана Facebook страница

Детали

понеделник, 21 декември 2020

Шпаркасе Банка Македонија станува првата банка во Република Северна Македонија со верифицирана Facebook страница. Оваа верификација на Шпаркасе Банка Македонија и ја додели Facebook како резултат на често пребарувана и добро позната бизнис страница.

Визуелно, верификацијата ја разликува страницата од останатите страници по малиот знак на заверка со кој Facebook потврдува дека страницата е автентична, односно припаѓа на одредена компанија. Истовремено, тоа влева дополнителна доверба во пласираната содржина која ги следи тековните интереси на фановите, навремено информирајќи ги за сите услуги и производи на Банката.

Верификацијата претставува уште една потврда за успешното работење на Банката која во фокусот секогаш ги има своите клиенти и фанови.

За повеќе информации сите заинтересирани можат да ја посетат Facebook страницата и да се запознаат со нејзината содржина.