Позитива на денот: Невена (7) од Злетово ја скрати косата и ќе ја донира за деца болни од рак

Детали

понеделник, 08 март 2021

Невена е уште едно од низата деца кои од најмала возраст знаат да ја покажат љубовта и хуманоста на дело – браво за сите деца кои ја донираат својата коса за оние кои се болни од рак.

Објавите за дечиња кои од мали прават добри дела ни ги освојуваат срцата. Тие знаат да ја покажат својата грижа и нивната љубов која е чиста и непроценлива.

Потсетете се на Малиот Дарин од Скопје ја скрати косата за првпат и ќе ја донира за дечиња болни од рак (фото)

На Фејсбук страната на фризерски салон од Злетово беа објавени фотографии од малата Невена, која ја скратила нејзината коса чувана 7 ипол години (колку што е и нејзината возраст), со цел да ја донира за перики за дечиња болни од рак.

Невена е уште едно дете кое дава пример за сите останати да ја покажат хуманоста на дело, независно дали се работи за деца или возрасни. Браво Невена!

Во објавата на Фејсбук страната стои:

„Денеска денот ми го разубави миличка. Прекрасната Невена својата желба ја исполни. Хуманоста ја покажа од мали нозе и секогаш биди таква позитивна и ведра. Косата ќе ја донираме за деца болни од рак.“

Прочитајте и 12 годишната Анастасија од Штип ја донираше својата плетенка за дечиња болни од рак

М. М. | Црнобело / фото: Фејсбук