„Толку мала, а толку хумана“ - Антонија Коцева ја донираше својата коса за дечињата болни од рак

Детали

среда, 19 мај 2021

Кога децата имаат вака големо срце како Антонија Коцева, тогаш се гледа дека родителите направиле вистинска работа при воспитувањето.

Здружението за поддршка на децата болни од рак, САНО, започна прекрасна акција за помош на дечињата кои се борат со рак „Донирај ја својата коса и стани нечиј херој“.

Еден од хероите во оваа акција е малата и хумана Антонија Коцева.

Таа ги донираше своите плетенки за правење на перика на некое детенце кое боледува од рак.

Од САНО објавија фотки од Антонија и напишаа:

„Оваа убавица се вика Антонија Коцева. По своја желба и со голема радост одлучи да ја донира својата коса за другарчињата во болница.

Толку мала, а толку хумана!

Браво Антонија! Ти благодариме за плетенките и за твојата мила и прекрасна насмевка.“

С. С. | Црнобело