Укинување на полициски час и на ограничување на гости на свадби – нови предлози од Комисијата

Детали

понеделник, 14 јуни 2021

Комисијата предложи дополнително олабавување на мерките од 16-ти јуни - повеќе гости на свадбите, укинување на полициски час, дозволување на забави во клубовите. 

фото: depositphotos.com

Министерот Филипче објави:

Утрово на Комисијата за заразни болести се донесоа следните одлуки кои ќе бидат предложени до Кризниот штаб. Од среда, 16 јуни:

Да се укине целосно полициски час. Епидемиолошката состојба е стабилна и го дозоволува ова.

Да се укине ограничувањето од максимум 100 гости на свадби и прослави.

Да се дозволи организација на настани, концерти и забави во клубовите и локалите само на отворено, со капацитет до максимум 50% од објектот и не повеќе од 1000 лица.