Беровчани ги пречекаа со аплауз пожарникарите од Словенија кои дојдоа да помагаат со пожарите во регионот (видео)

Детали

петок, 06 август 2021

Пожарникарите од соседните и европските земји ја покажаа хуманоста на дело, а нашиот народ ги дочека со аплауз словенечките херои кои дојдоа да помогнат во гасењето на пожарите во малешевскиот регион.

фото: Фејсбук

Деновиве нашата земја се соочува со страшни пожари, а пожарникарите од целата земја се во првите редови борејќи се да спасат човечки животи, шуми и имот, додека локалното население моли за помош, а дел од нив со свои раце се обидуваат да го спасат регионот од пустош. 

Покрај нашите пожарникари, полицијата и армијата, како и доброволците кои се заминати во пределите каде е потребна помош да ја спасат нашата земја од огнена закана, на помош доаѓаат и пожарникари, возила и хеликоптери од други земји.

Денес (6-ти август) пристигна тим за заштита од пожари од Австрија, составен од 60 припадници и 20 возила, додека втората група се очекува да пристигне во текот на денот. Вкупниот број од австрискиот конвој е составен од 136 лица, 16 возила, 24 камиони, 1 амбулантно возило, 2 АТВ и 9 приколки.

На 5-ти август пак, во Берово пристигнаа словенечките пожарникари, а Конвојот на Тимот за заштита од пожари од Р. Словенија кој е составен од 45 лица, команда, ИТ експерти, медицинска екипа, пожарникари со 11 противпожарни возила и транспортни возила, беше пречекан со аплауз од беровчани во знак на благодарност за солидарноста и хуманоста.

На страната на Амбасадата на Словенија беше објавено видео од нивното пристигнување:

М. М. | Црнобело