„Те сакам, супер-жено моја“ - Илина Арсова освои еден од најтешките врвови во Јужна Америка, Игор Џамбазов горд на неа
- Детали
- среда, 15 септември 2021
„Те сакам супер-жено моја“ – Со овие зборови Игор Џамбазов ѝ честиташе на својата девојка Илина Арсова за најновиот успех, откако таа успеа да освои уште еден врв во Еквадор.
Нашата најпозната планинарка Илина Арсова деновиве е во Еквадор. Таа се искачи на врвот Ариста Санта Барбара (5.790m) и оттаму сподели видео на Инстаграм во кое нејзините следбеници може да видат како изгледа изгрејсонцето од овој врв во Еквадор.
„Добро утро“ – напиша таа во описот на видеото.
Веднаш по овој нејзин подвиг на социјалните мрежи се огласи и нејзиниот партнер Игор Џамбазов, кој не ја криеше гордоста за нејзиниот успех:
„Пред неколку часа, Илина се искачи на врвот Arista Santa Barbara, 5.790 метри, еден од највисоките и најтешките за освојување во Јужна Америка. Те сакам, супер-жено моја...“ – напиша тој до објавата.
Инаку, Илина во последниот период престојува во Еквадор, каде ужива во искачувањето на височините и во планинските врвови.
Таа во повеќе наврати на Инстаграм објавуваше фотографии и видеа од нејзините најнови подвизи:
„Височините од секогаш ми биле предизвик, место каде што сум среќна и целосно исполнета. После мала пауза повторно таму, посилна од било кога, целосно посветена, овојпат не заради национален предизвик, туку заради самата себе“ – напиша таа меѓу другото.
Инаку, Илина Арсова е првата Македонка која успеала да ги искачи седумте највисоки врвови на седумте континенти. Во 2019-тата година, таа се искачи на врвот Винсон на Антарктик со што ја заврши мисијата „седум врвови“.
Дополнително, Илина во 2006-тата година го искачила Монблан, а во 2013-тата година стана првата жена од Македонија што го искачила Монт Еверест.
Погледнете уште неколку фотографии и видеа што таа ги објави од Еквадор:
Прочитајте и Илина Арсова во Еквадор се искачува на еден од највисоките активни вулкани во светот (фото)
Б. С. Б. | Црнобело
Би можело да ве интересира:
Препорачуваме
Најчитани неделава
