Локал со душа: На турски чај во Старата чаршија - ќе ви донесат и трилече од соседната слаткарница (фото)

Детали

вторник, 01 февруари 2022

Ниски столчиња прекриени со чергички, наредени на калдрмата во Старата скопска чаршија, плус турски чај сервиран со насмевка и со превкусно трилече од соседната слаткарница... Уште едно местенце со душа во Скопје.

Старата чаршија е секогаш добра идеја, особено во поубави денови, зарем не?

Калдрмата, традицијата, уникатниот шарм што го има се мевлем за срце.

Еден од малите локали кои се дел од душата на чаршијата е чајиџилницата „Лачи“, каде ќе добиете вкусен турски чај сервиран со насмевка, а харизматичните вработени без проблем ќе ви донесат дури и парче трилече од слаткарницата од спротивната страна, со која ги дели само тесната калдрма.

Покрај чај, тука ќе се напиете и одлично турско кафе сервирано на традиционален начин.

Со мали столчиња, черги, цвеќе, овој локал дефинитивно има посебен шмек.

На социјалните мрежи нема многу фотографии оттаму за да ви ја доловиме атмосферата, но и преку овие неколку можеби ќе успееме да ви го пренесеме шармот на ова место.

фото: Инстаграм Катерина

фото: Инстаграм Катерина

Прочитајте и Кафуле во Старата скопска чаршија го служи кафето во кокос - уникатно доживување (фото)

С. С. | Црнобело