Дечко од Кочани ја запроси саканата на зајдисонце на јахта во Дубаи (фото+видео)

Детали

недела, 27 февруари 2022

„Драган со негови блиски пријатели, кои живеат во Дубаи, го организирал фантастичното запросување на јахта на зајдисонце и сето тоа организирал да биде документирано со снимка од дрон“, вели Јана Лазарева (22) од Кочани за CRNOBELO.com.

Драган Христов (32) од Кочани ја запроси својата сакана Јана Лазарева (22), студент на логопедија на факутетот во Софија, исто така од Кочани за време на нивното патување во Дубаи.

Парот бил во врска 5 години, а Драган сакал да ѝ приреди спектакуларно запросување на Јана, па одлучил тоа да биде на зајдисонце на јахта во Дубаи.

Јана за CRNOBELO.com споделува:

„Запросувањето во Дубаи не го насетив ниту најмалку, бидејќи тоа патување ни беше планирано 2-3 месеци однапред и знаев дека секако ќе се случи, но дека баш таму ќе ме запросат не ми падна ниту на крај на памет.

Сè било буквално плански од страна на Драган. Eден од деновите за време на престојот во Дубаи ни беше планиран да изнајмиме јахта и крстариме околу Дубаи за да ги доловиме подобро убавините на Дубаи.

Драган со негови блиски пријатели, кои живеат во Дубаи, го организирал фантастичното запросување на јахта на зајдисонце.

Запросувањето беше целосно документирано со многубројни фотографии и видео направено со дрон.“

Видео од запросувањето:

© CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело