Александра Шијакоска се огласи 8 дена по операцијата на тумор на мозокот: „Животот ми даде уште една шанса“

Детали

среда, 16 март 2022

Со фотографии од болница храбрата Александра Шијакоска (29) од Битола вели: „Тука сум 8 дена, првите неколку дена не личев на себе. Лицето ми беше искривено, говорот сменет, беспомошна бев. Дефинитивно најтешката животна лекција која не му ја посакувам на никој, да си свесен дека утре може нема да го дочекаш денот. Но, сакам да ве известам дека операцијата помина во најдобар ред.“

Александра Шијакоска, една од нашите најпознати модни инфлуенсерки, пред 8 дена имаше операција на тумор на мозокот, а сега се огласи за првпат.

Таа отворено говореше пред операцијата, а и сега со своите фанови искрено споделува како поминал процесот и како ѝ изгледа закрепнувањето.

Среќни сме за успешната операција и ѝ посакуваме побрзо закрепнување.

Нејзината објава на 8-миот ден по операцијата:

„Здраво на сите пријатели. Само да ве известам дека операцијата помина во најдобар ред. Закрепнувам полека, чекаме уште некои резултати и испитувања. Не се грижете, најлошото е позади мене. Благодарност до сите кои помогнаа и се понудија да помогнат, никогаш нема да заборавам, ни јас, ни Господ.

Тука сум 8 дена, првите неколку дена не личев на себе. Лицето ми беше искривено, говорот сменет, беспомошна бев. Чекавме малку да закрепнам за да ве известам.

Дефинитивно најтешката животна лекција која не му ја посакувам на никој, да си свесен дека утре може нема да го дочекаш денот.

Јас сум убедена дека сè се случува со причина. Мене животот ми даде уште една шанса да живеам и да се разбудам со сè функционално после операција.

Ќе ја оправдам таа шанса. Не го земајте животот здраво за готово, во еден момент може да ви се смени цел тек на настаните.“

Прочитајте и Александра Шијакоска, емотивна за роденденот: „Да ми кажеше некој дека на 29 години ќе се борам со тумор, ќе му се изнасмеев“

С. С. | Црнобело