Алмедина Исмајли – едно од најубавите ТВ лица во Македонија (фото)

Детали

петок, 10 јуни 2022

Новинарката и презентерка, која веќе 5 години е дел од тимот на ТВ21, за CRNOBELO.com oткрива дека во новинарството се нашла случајно, но инстантно се вљубила. Таа е едно од најубавите лица на нашите ТВ екрани...

Алмедина Исмајли од Куманово е новинар, презентер и инфлуенсер и едно од најубавите ТВ лица кај нас.

Таа веќе 5 години работи во Скопје во телевизијата ТВ21.

За изборот на професија Алмедина за CRNOBELO.com открива:

„Имам завршено студии на Филолошки факултет, случајно се најдов во новинарството, а сега не можам да се одделам од него и да работам нешто друго.

Се вљубив во оваа динамична професија и навистина ме исполнува.

Денот во медиумот во кој работам ми е исполнет со многу активности, а по работното време често имам сликања за компаниите со кои соработувам.“

На прашањето како изгледа еден нејзин работен ден Алмедина вели:

„Денот го почнувам релативно рано, станувам во 7:30 и додека го пијам утринското кафе, на телефон читам вести, се информирам што се случило вчера, а и какви настани нѐ очекуваат, бидејќи тоа е тесно поврзано со мојата професија како новинарка.

Потоа, се подготвувам за на работа со многу лесен мејкап, најчесто со спортска облека и секогаш со патики.

По утринскиот брифинг што го имаме секое утро на работа, одам да појадувам и почнувам со работа, дневни активности, зависно на каква тема работам.

По работа одам право дома, сакам да се рекласирам со читање или гледање филм, попладнето е време за поведри теми, па читам што се случува во светот на шоубизнисот и слично.“

Фотографии од Алмедина Исмајли:

Повеќе фотографии на следната страна...