Македонските актерки Сара Климоска и Сара Сандева на црвен тепих во Сараево – номинирани за наградата „Ѕвезда во подем“
- Детали
- понеделник, 15 август 2022
Македонските актерки Сара Климоска и Сара Сандева викендов зачекорија на црвениот тепих на филмскиот фестивал во Сараево, каде беа номинирани за наградата „Ѕвезда во подем“. Сара Климоска за улогата на Елена во „Močvara“, а Сара Сандева за улогата на Софка во „Nečista krv“.
Филмскиот фестивал во Сараево се одржува од 12-ти до 19-ти август, а меѓу големиот број познати актери што досега зачекорија на црвениот тепих се и македонските актерки Сара Климоска и Сара Сандева.
Сара Климоска е родена во Струга, во 1994-та година, а освен што играше во филмот „Врба“ на Милчо Манчевски и во ТВ серијата „Фамилија Марковски“, таа во моментов е мошне актуелна по улогата на Елена Настева во српската ТВ серија „ Мočvara 2“.
Сара Сандева, пак е родена во 1997-ма година во Скопје, а во последните неколку години живее во Прага, Чешка, каде играла во серијата „The Fury“, а минатата година ја играше улогата на Софка во српската ТВ серија „Nečista krv“.
Во црн фустан од тантела и црни сандали, Сара Климоска зачекори на црвениот тепих во Сараево, каде се фотографираше заедно со останатите колеги од популарната српска серија, а Сара Сандева, пак во оваа прилика избра црн макси фустан со длабоко деколте.
🪄 Uživali smo na sinoćnjem Red Carpetu.✨ dio II — 🪄We have enjoyed last night’s Red Carpet.✨ part II #28thSFF #SarajevoFilmFestival
Posted by SARAJEVO FILM FESTIVAL on Sunday, August 14, 2022
Двете Сари беа номинирани за наградата „Срцето на Сараево“ во категоријата „Ѕвезда во подем во драмски серии“. Покрај нив во истата категорија беа номинирани и Флорист Бајгора, Павле Менсур, Роберт Ожвар, Стипе Радоја, Стефан Вукиќ.
Наградата во оваа категорија му припадна на Стефан Вукиќ, за улогата во ТВ серијата „Kljun“.
На филмскиот фестивал во Сараево досега зачекорија голем број други познати актери од регионот.
Погледнете дел од фотографиите:
https://www.instagram.com/p/ChOuYv0sO87/?utm_source=ig_web_copy_link
https://www.instagram.com/p/ChQF5WSM3tz/?utm_source=ig_web_copy_link
https://www.instagram.com/p/ChPnz-0Nod-/?utm_source=ig_web_copy_link
Б. С. Б. | Црнобело
Би можело да ве интересира:
Препорачуваме
Најчитани неделава
