Антониа Гиговска му го честиташе роденденот на партнерот Иван, откако ги негираше гласините за раскинувањето (фото)

Детали

петок, 19 август 2022

И покрај гласините дека веќе не се заедно, парот е во среќна врска која ја држат настрана од јавноста, а Антониа на Инстаграм му го честиташе роденденот на саканиот Иван Јованов и напиша: „Голем да ни растеш“.

Пејачот на „Либеро бенд“, Иван Јованов, денес го слави својот роденден, а неговата девојка Антониа му го честиташе со постара фотка на Инстаграм Стори и напиша: „Голем да ни растеш“.

Инаку, изминатиот период Антониа и Иван беа мета на гласини дека веќе не се во врска, затоа што во последната година речиси и воопшто да не се појавуваа заедно на социјалните мрежи.

Периодов имаме прилика двајцата да ги гледаме фокусирани на музичката кариера и со исполнета агенда, па многумина се прашуваа дали парот се разделил.

Сепак, во гостување во „Бекстејџ“  и кај Лазаров, Антониа ги негираше гласините. Таа откри дека уште се во врска и дека ништо не е променето, освен што сега ја држат романсата настрана од јавноста, а повеќе ги прикажуваат своите работни ангажмани.

Младата пејачка е целосно посветена на градење на својата кариера, во изминатиот период сними неколку хит-песни, настапи на повеќе места низ Македонија, а гостуваше и во некои од најпопуларните ТВ емисии во Србија.

Иван пак, заедно со својот бенд, има зафатена агенда, а летово речиси без престан настапуваат низ Македонија и ги полнат локалите со фанови кои уживаат во забавата. 

До минатото лето имавме прилика почесто да го гледаме парот како заедно се забавува, но сега тоа не е случај, па ве потсетуваме на постари фотки од најпопуларниот пар на естрадата:

М. М. | Црнобело