Миа Костова со искрени фотки во долна облека - на двете има по 69kg: „Бев дебела, тромава, со милион дијагнози на кичма“
- Детали
- петок, 21 октомври 2022
„Врвот на тоа да се гадам од себе беше летово во Дерми и имам фотографии кои уште не сум подготвена да ви ги покажам, ќе ги видите кога ќе дојде време. Тренингот на 19 септември го закажав во јули...“, раскажува Миа Костова со фотките од трансформацијата.
Миа Костова по многу намалена физичка активност во периодот на корона карантините, но и уживање во вкусна храна, откри дека качила килограми, но и дека веќе речиси еден месец интензивно прави тренинзи за да се врати во форма.
Таа е искрена за сè, па така и овојпат искрено прикажа како изгледала пред, а како по тренинзите и дека иако визуелната трансформација е многу впечатлива, таа на двете фотографии има по 69 килограми.
Водителката и инфлуенсерка открива и дека е висока 168 сантиметри.
Миа вели дека со интензивните тренинзи, поточно 23 тренинзи за еден месец, нешто што инаку се прави најчесто во два месеци, плус со внимавање на исхраната успеала да постигне вака драстичен резултат за толку кратко време.
Миа на Инстаграм Стори на прашања од следбеници, откри неколку детали за процесот на трансформација:
„Секое откажување и секое излегување од комфор зоната е пекол. Имало периоди и кога сум имала и 53 килограми, но и тоа било нездраво и со мускулна маса нула. Нема ништо лесно. Но, бенефитите, освен задоволството во огледало, се и непрекинат сон и намалени психички проблеми.
Врвот на тоа да се гадам од себе беше летово во Дерми и имам фотографии кои уште не сум подготвена да ви ги покажам, ќе ги видите кога ќе дојде време.
Тренингот на 19 септември го закажав во јули. Два месеци психички се спремав за она што сакам да го направам за себе. За својата глава пред сè, телото ми беше второстепено, иако голем дел од лошото расположение ми беше од формата на телото. Дебела, тромава, без енергија, со милион дијагнози на кичма.
Сега, внимавам на исхрана, вежбам еден час тренинг, плус половина час кардио, што значи час и половина вкупно.
Тренинзите одлично ми влијаат и на психата и психички не сум била подобро од 2014 година.
Сакам вежбањето да ми стане дел од животот, да се нервирам кога немам вежбано, да не престанам никогаш, да ми е здрав умот и да се чувствувам добро.“
Уште неколку одговори на Инстаграм Стори од Миа:
С. С. | Црнобело
Би можело да ве интересира:
Препорачуваме
Најчитани неделава
