Омаж на маестро Александар Џамбазов: Моќна изведба на македонските ѕвезди на незаборавниот концерт (видео)

Детали

сабота, 05 ноември 2022

„Епа, татко Игор Џамбазов благодарам на поканата што ја имав таа чест да отпеам една од маестралните песни на маестро Александар Џамбазов“ – со овие зборови Антониа Гиговска се заблагодари за можноста да учествува на незаборавниот концерт. Кои други македонски ѕвезди настапија?

Познатите македонски ѕвезди настапија на концертот „Омаж на маестро Александар Џамбазов“, што се одржа во четвртокот (03.11.). На концерот настапија Антонија Гиговска, Александар Тарабунов Тара, Никола Перевски – Пере и Наде Талевска.

Концертот, кој беше со хуманитарен карактер, е посветен на големиот македонски композитор кој почина во јануари годинава.

Концертот се одржа под диригентската палка на Џијан Емин, а публиката имаше можност да  проследи дела од симфонискиот опус на Џамбазов – „Седумте танцови варијации“ со Елена Атанасовска-Ивановска како солист на пијано и „Рапсодија за Скопје“ со Иво Настевски како солист на пијано.

Антониа Гиговска ја изведе песната „Охрид и јас“, Александар Тарабунов ја испеа „Љубов неверна“, Никола Перевски Пере „Само ти“ и Наде Талевска ја испеа песната „Довидување“.

Проследете во продолжение некои од нивните изведби:

Кликнете на стрелките во објавата за да ја погледнете и изведбата на Антонија:

Б. С. Б. | Црнобело