Инспиративна објава и фотографија на Македонец: „За моите деца да имаат свои соби, јас спијам на под во дневна соба“

Детали

среда, 30 ноември 2022

„За да ја исполнам желбата на моите дечиња, секое од нив да има своја соба, веќе со години спијам на земја во собата за дневен престој. Исто како што Самураите со векови спиеле на под. Навечер намести, наутро раскрени. И после, кога ќе слушнам некој се жали дека „не планирале второ дете“, бидејќи ќе морале со жената да спијат во дневна, ми доаѓа смешно…“, гласи дел од објавата на Игор Довезенски, учител за боречки вештини.

Игор Довезенски, по професија етнолог вработен на Универзитетот „УКИМ“, е водач на единственото македонско доџо за Самурајски и Нинџа вештини во Македонија.

Тој објави инспиративна објава на неговиот Фејсбук профил, каде открива дека спие во дневна соба за неговите деца да си имаат свои посебни детски соби.

Игор е самохран татко на 3 деца, а тие се на возраст од 17, 15 и 12 години.

Неговата објава и фотографија каде спие, освестува и инспирира:

„За да ја исполнам желбата на моите дечиња, секое од нив да има своја соба, веќе со години спијам на земја во собата за дневен престој. Исто како што Самураите со векови спиеле на под. Навечер намести, наутро раскрени.

И после, кога ќе слушнам некој се жали дека „не планирале второ дете“, бидејќи ќе морале со жената да спијат во дневна, ми доаѓа смешно.

Абе штом родиш деца и создадеш нов живот, ти батка автоматски доаѓаш во втор план. Твојата среќа и твоето задоволство почнуваат таму каде што завршуваат нивните желби и потреби.

Не бадијала се рекло ‘Децата секогаш на прво место’.“

С. С. | Црнобело