„За филмот Кајмак има те критики, те пофалби – кога ќе ме прашаат за мислење што им одговарам?

Детали

вторник, 06 декември 2022

„За филмот „Кајмак“ има те пофалби, те критики, но зар не ви е посебно драго што за првпат по подолго време во нашето општество, токму уметничко дело (во случајов филм) е центар на дискусии, а не политиката или кој украл или уништил повеќе? Да си ја вратиме уметноста во нашето секојдневие!“, е дел од моќниот статус на нашиот пијанист Дино Имери.

Дино Имери се смета за еден од најреномираните македонски пијанисти на новата генерација класични музичари.

Неговиот статус на Фејсбук посветен на филмот „Кајмак“ има навистина моќна поента.

Убаво е кога разговорите ни се насочени кон нешто друго, зарем не?

Објавата на Дино Имери:

„Ретко споделувам мислења на социјалните мрежи, но еве една кратка и ми се чини, убава опсервација што ми се случува деновиве откако почна да игра филмот „Кајмак“ на режисерот Милчо Манчевски.

На повеќе седенки, дружби со пријатели или колеги почнуваат да се разврзуваат теми поврзани со филмот. Спротивставени мислења - те критики, те пофалби.

На крајот од дискусиите ме прашуваат мене за мислење после подолго молчење и им одговарам:

„Не мора и не е важно дали ќе се согласиме за едно дело дали е добро или не, но зар не ви е посебно драго што за првпат после подолго време во нашето општество, токму уметничко дело (во случајов филм) е центар на дискусии, а не политиката или кој украл или уништил повеќе?“

По ова најчесто следува тишина, блага насмевка и олеснување кај луѓето. Се радувам за ова, ѝ честитам на екипата на филмот, но и на сите уметници кои неуморно и искрено творат во овој интересен момент.

Да си ја вратиме уметноста во нашето секојдневие.“

Прочитајте и „Бев на премиера на Кајмак во Македонска Филхармонија – настанот светски, а филмот доби стоечки овации“

С. С. | Црнобело