Браво: Македонија по вторпат е светски шампион во Counter-Strike – Освоена награда од 50.000 долари (фото+видео)

Детали

недела, 11 декември 2022

Погледнете го видеото од доделувањето на пехарот. Македонија по вторпат е светски шампион во Counter-Strike: Global Offensive, откако утрово ја победивме Монголија со резултат 3:1.

Ова е година кога успеавме да  извојуваме две значајни победи на полето на е-спортовите.  Тимот на Мартин Саздов-Сакса стана светски шамион во Дота 2, а и кантерашите успеаја по вторпат да станат светски шамиони.

Рано утрово се играше големото финале од Светското Првенство во Counter-Strike: Global Offensive, а Македонија по вторпат го освои првото место, откако извојува победа над Монголија со резултат од 3:1.

Претходно нашите кантераши во групната фаза се натпреваруваа против тимовите на Монголија, Индонезија, Аргентина, Германија и Русија кои играа под неутрално знаме.

Светското првенство се одигра во Денпасар, Бали, Индонезија, а според информациите објавени на официјалната веб страна на CS:GO, Македонија ќе добие парична награда во износ од 50.000 долари, второпласираната Монголија 30.000 долари, а рускиот тим доби награда од 20.000 долари.

Во продолжение можете да го погледнете финалниот натпревар што нашите кантераши го одиграа против Монголија:

Погледнете го и видеото од доделувањето на пехарот:

Б. С. Б. | Црнобело