Александра Шијакоска во впечатливо модно издание при подигнување на наградата „Инфлуенсер на годината“ (фото)

Детали

четврток, 15 декември 2022

Во едно од највпечатливите нејзини модни изданија досега Александра Шијакоска ја подигна наградата и порача „Не би ја прифатила наградата без да кажам дека многу ми е жал што на нашиот простор не се цени зборот инфлуенсер...Во мојот Инстаграм свет секогаш се ставало фокус на давање на тие што имаат помалку, почитување на постарите, на корените, на семејството, на пријателите, на тоа дека не мора да имаш сè за да успееш во тоа што си го замислил.“

Вчера (14.12) во енергична и мотивирачка атмосфера со многу позитивна енергија во „Музејот на македонската борба“ во Скопје, се одржа прогласувањето на победничките во македонскиот избор на „Жена на годината 2022”, во рамки на конференцијата „Жени претприемачки“.

Меѓу наградените беше и Александра Шијакоска, која одржа емотивен говор, во кој го спомена и партнерот Едмонд.

За подигнувањето на наградата таа беше во впечатливо модно издание со корсет со перје, панталони ѕвонарки, ракавици и впечатливи модни детали во косата.

На својот Инстаграм профил објави неколку фотографии од настанот и напиша:

„Ми беше доделена награда „инфлуенсер на годината” од страна на „Жени претприемачки”. Не би ја прифатила наградата без да кажам дека многу ми е жал што на нашиот простор не се цени зборот инфлуенсер.

За популацијата која сѐ уште не го разбира терминот „инфлуенсер” и го користи за потсмев имам да кажам нешто, може не знам да пеам, да свирам на некој инструмент, да цртам, може не сум најкултурна и еминентна личност покажана во општеството и културата, можеби моите родители не можеле да ми купат некоја титула за да бидам „некој и нешто”, но и јас сум човек.

Вистински инфлуенсер живее за да пренесe вистински вредности на публиката која го следи.

Во мојот Инстаграм свет секогаш се ставало фокус на давање на тие што имаат помалку, почитување на постарите, на корените, на семејството, на пријателите, на тоа дека не мора да имаш сè за да успееш во тоа што си го замислил, на тоа дека сите луѓе се исти без разлика на боја на кожа, раса и националност, на тоа дека и кога ви е најтешко ако размислите секогаш има некој што му е уште потешко од вас.

Јас бев на раб да го загубам својот живот и во ниеден момент не бев лута и огорчена, ниеднаш не пуштив солза пред пријателите, не сакав никој освен мене да е повреден.

Мене единствената цел ми е да ги пренесам овие вредности на помладите кои ме следат. Е тоа, драги мои е ИНФЛУЕНСЕР. Ви благодарам.“

Прочитајте и Александра Шијакоска со емотивен говор: „Едмонд наградава е за тебе затоа што 10 месеци од животот помина со мене во болница“

С. С. | Црнобело