Александра Шијакоска со потресни видеа од болница, но и мигови на триумф испраќа силна порака на крајот од 2022

Детали

петок, 30 декември 2022

Таа е нашиот херој од реалноста! Девојка која зборува отворено за најтешките мигови и сака да им биде утеха и на другите кои минуваат низ тоа. Сподели видеа од болница на кои едвај станува од кревет и едвај оди, но се издигнува како феникс.

Александра Шијакоска зад себе ја има најтешката, но и најубавата година.

Година во која мина тешки болнички денови поради операции на тумор на мозокот, но и година која ја заврши на нозе, здрава и посреќна од кога било, со саканиот Едмонд до себе, но и со низа награди и признанија.

На нејзиниот Инстаграм профил сподели видео со тешките потресни мигови од болница, но и видео кое завршува со насмевки и триумф во оваа тешка животна битка.

Нејзината објава:

„Споделувањето на тоа како се чувствувате длабоко во себе не е покажување слабост, не е ни лигавење, кукање или барање да ве сожалуваат, напротив потребно е храброст и сила за да го извадите тоа од себе и да го споделите со други луѓе.

Колку повеќе го разговарате тоа со други луѓе толку побрзо сфаќате дека поминало.

Секојдневно добивам пораки од луѓе кои се соочуваат со истото или слично, па ова го правам за нив.

Јас немав некој близок пример за да ми даде надеж дека сè ќе биде во ред еден ден, па јас сметам дека со причина ми била доделена оваа улога во животот. Да бидам тука за сите кои се соочуваат со нешто слично и да знаат дека еден ден сѐ ќе биде во ред.

Можеби не денес, можеби не утре и можеби не наредниот месец, но само едно е вистина еден ден ќе бидете шампиони.

Благодарна, жива и никогаш посреќна.“

Нејзината најтешка, но и најубава година:

Видеото кое на Шијакоска ѝ било најголема инспирација во тешкиот период:

Прочитајте и Александра Шијакоска за CRNOBELO.com: „Кога ми кажаа дека ризикот од смрт е многу голем прво се исплакав, сила најдов во луѓето кои ме сакаат“

С. С. | Црнобело