„Брате, сакам да останам“ - Дечко од Сомалија бара помош како да остане подолго во Македонија, се вљубил во земјата

Детали

петок, 20 јануари 2023

„Боже, Господе, на моите денови во Македонија им доаѓа крај и тоа е многу, многу тажно“, вели Мустафа Ахмед од Сомалија на кој Македонија му е дом веќе извесен период и сега бара помош да остане во убавата Македонија, како што ја нарекува тој нашата земја.

Мустафа Ахмед е дечко од Сомалија кој снима хит видеа за Македонија и ги споделува на Инстаграм.

Од истражување на убавините на нашата држава до вкусување на специјалитети и учење шеги од локалци, тој на прекрасен начин ни ја претставува државата.

Но, сега на Инстаграм сподели дека има проблем со дозволата за престој тука:

„Боже, господе, на моите денови во Македонија им доаѓа крај и тоа е многу, многу тажно, но потребно ми е вие ако можете на некаков начин да ми помогнете да добијам виза за подолг престој.

Сега ми е дозволено да останам 3 месеци, но сакам да ја покажам на светот убавината на оваа убава земја Македонија, а за тоа потребно ми е да бидам тука.

Брате, леле! Ако сакате да останам, помогнете ми со споделување на ова...“

Потоа сподели и видео од убавините на нашата земја, а и фотки:

Прочитајте и Дечко од Сомалија, дал отказ за да патува низ светот и останал во Македонија: „Во Драчево има најдобар кромид“

С. С. | Црнобело