„Македонија со сигурност е скриен бисер во Европа и земја во која ќе запознаете некои од најдобрите луѓе што сте ги сретнале во својот живот“ – вели на крајот од своето видео патувачкиот блогер Роберт Дачешин кој посетил 93 земји, а нашата земја ја вбројува меѓу најдобрите европски дестинации.

„Во живо за BBC News ја имаме Теона Сима, која е испратена во Скопје за да известува за ситуацијата. Теона, дали се слушаме?“ – вели во новото вирално видео Македонката Теона и на забавен начин „презентира вести“.

„Бевме договорени да одиме на вечера во еден познат ресторан на Козјак, а кога пристигнав таму ме дочека црвен тепих, букет цвеќиња, балони и огромен знак 'Marry me'“, вели Софија Јанева за CRNOBELO.com.

„Ако некој ми речеше дека после Лапонија ќе завршам во Африка, сигурно ќе им се изнасмеев и ќе ги прашав дали сте нормални, нема шанси да издржам на тоа жешко“, вели Бетика, позната како ледената Македонка, за одморот во Занзибар.

Модната дизајнерка Маја Кикириткова објави фотки во бикини и го покажа вишокот кожа околу струкот, па испрати силна порака до жените дека треба да си го сакаат телото.

Туна (38) на летувањето во Бодрум покажа дека е во топ-форма, облечена во мини здолниште со шлиц до колк и кроп-топ, а под градите се гледаше нејзината тетоважа - порака испишана со арапски букви.

Нашата пејачка Каролина Гочева ова лето го искористи да замине на одмор во Хрватска заедно со нејзината сестра, со мајка ѝ и со двете внуки, а ги посетија Сплит и Трогир.

Вечерта помеѓу 12-ти и 13-ти август се очекува да можат да се видат и по 100 метеори во еден час. Тоа би била идеална причина да заминете некаде во планина и да уживате во глетката на небото.

„Во моментот кога мојот син Давуд лежеше на мојот образ и силно плачеше веќе ништо не ми беше важно, само тој да е добро. Неверојатно е како по пораѓајот целосно ми се промени перцепцијата за женското тело. Сфатив како доењето е најчистото нешто што една жена може да го доживее, но од друга страна недоволно се разговара на оваа тема и колку целото искуство може да биде стресно...“, гласи дел од искрената објава на Даниела Ѓуровска.

Бодибилдерот Тоше Зафиров со сопругата се најфит пар на плажа на одмор во Египет, Елена Ристеска изгледа неверојатно младешки, а Антониа Гиговска објави фотографија со синот, а потоа се огласи на Инстаграм: „Ги замолувам сите портали без лажни изјави. Роберт е прекрасен сопруг и татко. Нема потреба да се измислуваат приказни произлезени од мои сториња“.

„Депресијата е сериозна ментална болест што треба се третира и лекува од страна на стручно лице. Минаа четири години откако јас побарав помош и ја победив депресијата. Оттогаш, сѐ е различно“, гласи дел од виралниот статус на писателката Ксенија Николова.

„Ова е држава со најмногу планини на светот. Можеби си помисливте на Швајцарија? Сепак не, се работи за Македонија“, се вели во видео-прилогот на TRT Balkan, а во кој се споделени уште неколку занимливости за нашата земја.

Во август 2023 ќе се случи редок астрономски феномен - две супермесечини во еден месец. Сите кои уживаат во погледот кон небото и ѕвездите, имаа можност да ја „уловат“ првата супермесечина која го осветли небото ширум светот.

„Можеш да купиш вештачки трепки, кукле, скапи некои, свилени... Врз нив да ставиш некои скапи и модерни сенки и шминки... Но тоа нема да ти ги направи очите убави. Убавината на очите доаѓа однатре, кукле. Од срце полно со убави нешта...“, гласи дел од виралната објава на македонскиот писател.

Стендап комичарот Бојан Велевски постојано објавува видеа со забавна содржина - секојдневни случки раскажани со доза сарказам, кои никого не оставаат рамнодушен.

„Овие фотографии не се инстаграмџиски затоа што реалноста ни е далеку поубава од Инстаграм. Понекогаш си мислам, види нè до каде стигнавме за толку кратко време, а потоа - ова е само почетокот“, напиша Јелена Спенџарска на фотографиите од летувањето со саканиот Лукас. 

„Денес ќе наполнеше 81 година. И сигурно ќе ми купеше подарок. За нејзиниот роденден“ – напиша Игор Џамбазов во дел од објавата по повод роденденот на неговата мајка Анче Џамбазова.

„Креацијата на Талија е направена специјално за неа. Нејзиниот стилист дошол до моите креации и до моето име, па тој ме контактираше за соработка. Ми кажа дека креацијата мора да биде инспирирана од парчиња што таа веќе ги носела, а јас им испратив три скици“ вели дизајнерот Златко Јовановски за CRNOBELO.com.