Дијана од Кавадарци има библиотека од 1.200 книги, месечно дава 4.000 денари за нови - Кои ѝ се омилени дела?

Кои се нејзините 5 омилени книги, кои ги препорачува секогаш?

„Убавината на скршените нешта“, Ивана Спасев

Ова е книга што не се чита само со очи, туку со душа.

Болна, искрена и длабоко емотивна, ја раскажува тивката борба со неплодноста низ љубовта на Ирис и Итан.

Ова е приказна што крши, но и лекува, оставајќи надеж, вера и чувство дека не си сам.

Ја препорачувам на секоја жена што некогаш ја носела титулата „мајка“ со празни раце.

Оваа книга е за вас. Оваа книга е за нас.

„Исповеди“, Колин Хувер

Ова е емотивна приказна за љубов, болка и искупување.

Преку судбините на Обурин и Овен, книгата ги открива најдлабоките тајни и ја покажува моќта на вистината и простувањето.

Овој роман нежно, но силно се впишува во душата и долго останува во срцето.

„Никогаш не лажи“, Фрида Мекфаден

Станува збор за напнат трилер полн со лаги, тајни и неочекувани пресврти и ве држи во неизвесност до самиот крај.

Со одлично изградени ликови и динамична приказна, која ве води низ лавиринт од манипулации што ќе ве шокираат и ќе ве остават будни до доцна.

Совршен избор за љубителите на трилери.

„Фатени во љубовна мрежа“, Теса Бејли

Ова е нежна и топла љубовна приказна што останува во срцето долго по читањето.

Приказната за Фокс и Хана ја прикажува љубовта како нешто што се гради постепено, низ искреност, смеа и емоции што и болат и лечат.

Ова е книга што не се чита само со очи, туку се чувствува и тешко се заборава.

„Сите цвеќиња во Париз”, Сара Џио

Ова е длабок и емотивен роман што се доживува, а не само се чита.

Преку испреплетените приказни на Керолајн во сегашноста и Селин во окупираниот Париз, книгата ги поврзува минатото и сегашноста на моќен и потресен начин.

Полна со емоции, тајни и историска тежина, ова е приказна што остава тивка, но трајна трага во срцето.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело