Силата на книгата - може да сруши или да издржи цел еден ѕид

Силата на книгите е огромна, несовладлива и безвременска. Книгите се најдобриот пријател на луѓето кој во ниту еден момент нема да ги напушти.

Оваа фотогрфија на Хорхе Мендез Блејк ја покажува силата на книгите на еден сосема неконвенционален начин. Неговата постапка ни покажува не само на метафоричен туку и на буквален начин колкаво е влијанието на книгите.

Она што тој сака да го покаже на еден алегориски начин е дека ако еден ѕид може да се искриви само со поставување на една книга во неговата основа, замислете што би можеле да направат пет, десет, педесет книги...

Вашиот ум е ѕидот кој го гледате на сликата, со само една прочитана книга вашиот поглед на светот станува поинаков, вашите ѕидови се поместуваат и станувате отворени за многу нови работи.

Секоја нова прочитана книга ги урива ѕидовите кои сте ги изградиле околу вас и ве прави подобра личност, подготвена да го разбере светот и луѓето во него, подготвена да им помогне на другите и да придонесе за создавање на еден подобар свет.

Уривајте ги ѕидовите околу вас и градете нови ѕидови од книги бидејќи тие не само што ќе ве заштитат од невремињата низ животот туку и ќе ви помогнат да станете посреќна, поисполнета и подобра личност.

М. С. | Црнобело