8 книги кои мора да ги прочитате според Ернест Хемингвеј

Во 1934-та година надежниот писател и новинар Арнолд Семјуелсон се одлучил за долго и макотрпно патување само за да го сретне Ернест Хемингвеј во неговиот дом во Флорида.

Познатиот автор бил импресиониран од решителноста на неговиот гостин па решил да му потенцира кои книги, според него, треба секој човек да ги прочита.

Неговата листа е составена од 8 книги кои можете да ги најдете и со македонски превод:

1. „Госпоѓа Бовари“ од Гистав Флобер

Ема Бовари копнее по гламурозен живот и романтични авантури, а живее монотон и неисполнет живот како сопруга на доктор. Постои надеж да избега од здодевноста?

2. „Даблинци“ од Џемс Џојс

„Даблинци“ претставува збирка на раскази од писателот Џејмс Џојс преку кои тој го изразува своето незадоволство од живеењето во Ирска.

3. „Црвено и црно“ од Стендал

Главниот протагонист решава да се качи високо на скалата на социјален статус и заклучува дека „единствено парите се важни во животот“, но дали неговиот заклучок е правилен?

4. „Ана Каренина“ од Лав Толстој

Најголемата љубовна приказна на сите времиња, оваа книга искрено ја доловува наивната и искрена љубов, но и страста која знае да биде деструктивна.

5. „Војна и мир“ од Лав Толстој

Толстој ни дава детални информации за животот на военото поле, но и секојдневието во Русија во 19-от век - времето на наполеоновите освојувања.

6. „Буденброкови“ од Томас Ман

Книгата го опишува животот на четири генерации на богато семејство од германскиот град Либек. На прв поглед, семејството претставува епитом на традиционалните германски сфаќања, но во основа претставува приказна за љубовта, интригите, омразата...

7. „Браќата Карамазови“ од Ф. М. Достоевски

Најкомплицираната и контроверзна новела на Достоевски - некои велат дека е детективска приказна за интелектуалци, ран пример за пост-модернизмот и прикажување на руската душа.

8. „Оркански височини“ од Емили Бронте

Оркански височини денес се смета за еден од највеличествените романи во англиската литература - Кетрин се вљубува во нејзин братучед, но гордоста и жедта за богатство ја тераат да се венча за познат човек.

Н. Г. | Црнобело