3 книги кои ќе ви го ублажат тмурното есенско расположение

Колку и да имате позитивна енергија во себе, понекогаш е навистина тешко да му се насмееш на денот кој не носи ништо друго освен грижи и намуртено небо.

Токму затоа, потребно е да одвоите време и да прочитате нешто убаво и интересно, односно содржини кои ќе ви ја стоплат душичката.

Време е за книжевна терапија, а таа доаѓа во облик на:

Анаис од Монтмартр - Јана Мишо

Анаис Мишел доаѓа во Париз со цел да се пронајде себеси. Со себе носи само еден куфер и транспортерот за мачки.

На прашањето - колку може да биде тешко да се пронајдеш во градот на светлината, толку магично прекрасен, одговорот понекогаш е позаплеткан отколку што мислиме.

Особено кога ќе те пречека новата жена на татко ти, ќе се сретнеш со заборавен пријател, а постојано си опкружена со стравот – што доколку не постои работа која може некогаш да те направи среќна?

Нема друга - Јела Кречич

Матјаж ја раскинува долгогодишната врска со девојката. Разочаран и тажен, паѓа во тешка депресија. Но, по некое време донесува заклучок дека „клинот се вади со клин“ и дека најлесниот начин да ја преболи поранешната девојка е да започне врски со многу други девојки.

Следува серија од „мувања“ со многу девојки по најпознатите места во Љубљана, но и од поранешна Југославија.

Сепак, Матјаж секогаш доаѓа до истиот заклучок – нема друга како поранешната девојка.

Комична приказна за сложените љубовни односи во современото општество.

Кога сакаш некого - Кристин Хана

По болниот непријатен развод поради долгите години борба со неплодност и неможноста да зачне, Енџи се враќа во родното гратче и започнува да го води семејниот ресторан.

Сè уште скршена од болка, таа се спријателува со млада девојка која и самата има прилично многу проблеми.

Енџи ја вработува 17-годишната Лорен, затоа што во неа гледа нешто што другите не можат да го видат. Двете стануваат пријателки, а откако Лорен ќе остане без старател и покрив над главата, Енџи великодушно ја поканува да живее кај неа.

Сепак, животот ги става на тест двете жени, едната која очајно копнее да стане мајка, а другата која моли за мајчинска љубов и внимание.

Но, ништо не може да ја подготви Енџи за реперкусиите од овој акт на љубезност. Заедно, двете жени – едната што копнее за дете и другата што копнее за мајчинска љубов – животот ги тестира како никогаш претходно.

(О)Милена | Црнобело