Омилените книги на најголемите писатели на сите времиња

Големите писатели не кријат дека се воодушевуваат од работата на своите колеги.

Многу познати писатели се инспирирале од други книги, а се мотивирале од работата на своите омилени автори.

Тргнете од себе, сигурно и вие верувате на препораките на луѓето кои ги цените. А, што може еден писател да цени повеќе отколку делата на оние кои им се пример во животот?

Ако некогаш сте се запрашале кои биле омилените писатели и книги на Набоков, Хемингвеј, Џ.Р.Р. Мартин или Бекет, еве ги одговорите:

Ернест Хемингвеј

Тој често препрочитувал една книга повеќе пати, а во неговата листа се нашле дела на Достоевски, Толстој, Емили Бронте и тоа „Ана Каренина“, „Оркански височини“, „Мадам Бовари“, „Војна и мир“, „Браќата Карамазови“ и „Даблинци“.

Владимир Набоков

Авторот на познатата „Лолита“ ги обожавал „Метаморфоза“ на Франц Кафка, „Улис“ на Џејмс Џојс и „Пронајденото време“ на Марсел Пруст. Сите овие дела денес спаѓаат во богатата класична светска книжевност.

Ф. Скот Фицџералд

Иако е автор на грандиозно дело како што е „Големиот Гетсби“, Фицџералд ги обожавал „Куќа за кукли“ на Хенрик Ибзен, психолошкиот роман „Црвено и Црно“ на Стендал, драмите на Оскар Вајлд, приказните на Ги де Мопасан и делата на Мери Шели.

Семјуел Бекет

Најпознатиот автор на драмата на апсурдот, „Чекајќи го Годо“, бил повлечена личност, но многу сакал да дискутира за книгите. Најпофални зборови имал за „Пат околу светот за 80 дена“ на Жил Верн, „Игра во 'ржта“ на Селинџер, „Странецот“ на Албер Ками и „Ѕвонарот на Богородичната црква во Париз“ од Виктор Иго.

Џ.К. Роулинг

Ја знаеме како авторка на серијалот „Хари Потер“, кој е вистински бисер на модерната книжевност. Меѓу книгите кои ја инспирираат секогаш ја истакнува „Ема“ на Џејн Остин, како и детската книга „Приказна за трагачите по богатства“ на авторката Едит Незбит, со која Роулинг често се поистоветува.

Џ.Р.Р. Мартин

Мартин е автор на книжевниот серијал „Песна за земјата и огнот“, а воопшто не изненадува дека омилени книги му се Толкиновите „Господар на прстените“. Но, во неговата библиотека може да се најдат делата на Стивен Кинг, како и модерните трилери, меѓу кои и „Исчезната“ на Џилијан Флин.

Е. Д. | Црнобело