Книги што се читаат за 60 минути, меѓу кои и македонски психолошки роман


Книги што се читаат за 60 минути, меѓу кои и македонски психолошки роман

Имате желба да прочитате нешто добро и квалитетно, но немате премногу слободно време? Без грижа, за овие книги ќе ви бидат потребни 60-тина минути или нешто над 1 час слободно време.

Knigi-sto-se-citaat-za-60-minuti-01.jpg

Но, имајте предвид дека треба да читате брзо и секако, да не бидете вознемирувани во текот на читањето, посветувајќи им целосно внимание на книгите пред вас:

Некој бил тука – Николина Андова Шопова

Романот – првенче на македонската поетеса Николина А. Шопова импресионира со нарацијата, структурата и приказната. Ликот кој раскажува во прво лице е средовечен човек кој се соочил со најтешката загуба во животот, загубата на сопственото дете.

Во сета тага и депресија, безизлезноста и неверството, тој пронаоѓа мир и утеха во еден сосема туѓ, физички простор. Полека, раскажувачот се опседнува со просторот кој го доведува до безумие, страст и лудило.

Knigi-sto-se-citaat-za-60-minuti (1).jpg

Мистериозниот странец – Марк Твен

Ова е последната новела напишана од Марк Твен и објавена постхумно, за прв пат во 1916 година.

Низ неа провејува филозофска нишка, со строг коментар и осуда кон социјално-општествениот поредок. Чувствата на етика и морал се заматуваат, особено кога станува збор за проколнатата човечка раса.

Ова дело е провокативно, буди размислувања и е одличен извор за дискусии кои се однесуваат на душата, задгробниот живот и човековата реалност.

knigi-sto-se-citaat-za-60-minuti-megju-koi-i-makedonski-psiholoski-roman-002.jpg

Мислејќи архитектура – Петер Цумтор

Цумтор е швајцарски архитект, перфекционист во својата област и работата. Проектирал градби кои се бројат на прсти, но неговите зданија се исклучителни, суптилни и едноставни, а истовремено неверојатно раскошни.

Меѓу нив се термалните бањи во хотел Валс во Швајцарија, Музејот на уметностите во Берхенц, Австрија, музејот Колумба во Келн.

Неговото дело „Мислејќи архитектура“ е неизоставен прирачник не само за студентите на артхитектонски факултет, туку и за сите вљубеници во оваа област, убавината и формата.

Knigi-sto-se-citaat-za-60-minuti (3).jpg

(О)Милена | Црнобело

Би можело да ве интересира:

Книги кои треба да ги прочита секоја жена која се почитува себеси Без да сакаме да ги етикетираме само како книги за феминистки, едноставно ќе каж...
Книги од силни жени за уште посилни читатели Без да сакаме да наметнеме некоја строга дистинкција, овојпат со особена гордост...
15 книги за кои луѓето најчесто лажат дека ги прочитале Покрај многубројните филмски адаптации на светски познати романи, останува праша...